सायली संजीव आज चित्रपटसृष्टीतील आघाडीची अभिनेत्री आहे. ‘गोष्ट एका पैठणीची’ हा तिचा बहुचर्चित आणि बहुप्रतीक्षित चित्रपट लवकरच प्रदर्शित होणार आहे. ‘काहे दिया परदेस’ या मालिकेतून ती घराघरात पोहोचली. तिच्या ‘गोष्ट एका पैठणीची’ या चित्रपटाला ६८व्या राष्ट्रीय चित्रपट पुरस्कारामध्ये सर्वोत्कृष्ट मराठी चित्रपट म्हणून गौरवण्यात आले.
सायली तिच्या प्रोफेशनल आयुष्यासोबतच तिच्या पर्सनल आयुष्यामुळे देखील चर्चेत असते. मागील काही दिवसापासून तीच नाव एका क्रिकेटर सोबत जोडलं जातंय. काही वर्षांपासून ऋतुराज गायकवाड आणि सायली संजीव रिलेशनशिपमध्ये असल्याच्या चर्चा सुरु आहेत. आयपीएल सामने सुरू असताना सायली संजीवने एक वनपीसमधला फोटो शेअर केला होता. त्यावर ऋतुराजने हार्ट इमोजी कमेंट केली होती. त्याच्या या एका कमेंटमुळे सोशल मीडियावर एकच चर्चा सुरू झाली. एकीकडे आयपीएल सामने रंगत होते, तर दुसरीकडे ऋतुराज आणि सायली रिलेशनशिपच्या चर्चा.
सायली सोशल मीडियावरदेखील सक्रीय असते. आता तिच्या फोटोवर नेटकरी कमेंट करू लागले आहेत. ऋतुराज गायकवाडने सोमवारी कर्णधारपदाला साजेशी खेळी करत विजय हजारे ट्रॉफीच्या उपांत्यपूर्व फेरीत यूपीविरुद्ध १५९ चेंडूत नाबाद २२० धावांची खेळी केली. ज्यामध्ये १० चौकार आणि १६ षटकार लगावले. त्याने एकाच षटकात ७ षटकारांसह ४३ धावा केल्या. त्याने ग्राउंड गाजवलं असलं तरी इकडे सायली संजीवच्या फोटोवर कमेंटची फटकेबाजी होत आहे. एकाने लिहले आहे “आज आपल्या मित्राने ऋतुराज गायकवाड ६,६,६,६,६,६,६ असे ७ सिक्स मारले भारी बॅटिंग केली.” तर दुसऱ्याने “सामना बघितला का वाहिनी, काय बॅटिंग केली आहे आमच्या भावाने.” तिसऱ्याने लिहले आहे “७ सिक्स एका षटकात ते पण ऋतुराज गायकवाडने” अशा कमेंट्स केल्या आहेत.
एका कार्यक्रमात बोलताना सायलीने दोघांच्या नात्यावर स्पष्टचं सांगितलं आहे. मी आणि ऋतुराज फार चांगले मित्र आहोत. खरं सांगायचं तर आयपीएल खेळणाऱ्यांपैकी दोन-तीन माझे चांगले मित्र आहेत. त्यात ऋतुराज आहे, तुषार देशपांडे आहे…माझी काही दिया परदेस ही मालिका त्यांना फार आवडायची, असं ती म्हणाली. त्यानंतर मेन मुद्दयाकडे वळताना, एकतर ते तिघेही माझ्यापेक्षा वयाने लहान आहेत, असं सायली म्हणाली.
मात्र नंतर यावर जास्त काही बोलण्यास सायलीने नकार दिला, त्यामुळे चाहत्यांच्या मनात अजूनही शंका कायम आहे.
