बिग बॉस १६’ हा सिझन चांगलाच गाजतोय, स्पर्धक पहिल्या आठवड्यापासूनच प्रेक्षकांचं भरभरून मनोरंजन करत आहेत. या पर्वातील सर्वाधिक चर्चेत असणाऱ्या स्पर्धकांपैकी एक म्हणजे अब्दू रोजिक. अब्दूचे आता लाखो चाहते आहेत. पण अब्दूला आता ‘बिग बॉस’च्या घराबाहेर जावं लागणार आहे. अचानक या शोमधून त्याची एक्झिट होणं सध्या प्रेक्षकांनाही पटत नसल्याचं दिसत आहे.
View this post on Instagram
हिंदी कलर्स वाहिनीने त्यांच्या इन्स्टाग्राम अकाऊंटद्वारे एक व्हिडीओ शेअर केला आहे. या व्हिडीओमध्ये अब्दू रडताना दिसत आहे. तसेच ‘बिग बॉस’ ही अब्दूला घराबाहेर येण्यास सांगत आहेत. ‘बिग बॉस’ने अब्दूला घराबाहेर येण्यास सांगितल्यावर घरातील सदस्यही हैराण होतात. ‘बिग बॉस १६’चा नवा प्रोमो समोर आल्यानंतर प्रेक्षकही हैराण झाले आहेत. या प्रोमोमध्ये घरातील सदस्यही रडताना दिसत आहेत. तर अब्दूही इतर सदस्यांना मिठी मारुन रडत आहे. पण अब्दूला घराबाहेर का जावं लागलं? असा प्रश्न प्रेक्षकांना पडला आहे.
सध्या सोशल मीडियावर अब्दू ट्रेंड होत आहे. आम्ही अब्दूसाठी शो पाहतो, शोमध्ये अब्दूला पुन्हा आणा, अब्दू रोजिक ‘बिग बॉस’च्या घराबाहेर जाऊच शकत नाही असे त्याचे चाहते हा व्हिडीओ पाहून बोलत आहेत. आता खरंच या प्रोमोनुसार अब्दूला हा खेळ अर्धवट सोडावा लागणार का? हे पाहावं लागेल.