सिनेसृष्टीतील यंदाच्या लग्न सराईमध्ये आता आणखी एक लग्न पार पडणार आहे.
बॉलिवूड मधील सर्वाधिक लोकप्रिय अभिनेता सिद्धार्थ मल्होत्रा आणि कियारा अडवाणी यांचीच सर्वत्र चर्चा सुरू आहे. कारण सिद्धार्थ आणि कियारा लवकरच लग्नबंधनात अडकणार आहेत.
चाहत्यांना कल्पना आहेच यांचं लग्न एकदम ग्रँड पद्धतीने पार पडणार आहे. आतापर्यंत या दोघांनी लग्नाबद्दल अधिकृतरित्या कोणतीच प्रतिक्रिया दिली नाही. पण मिळालेल्या माहितीनुसार सोशल मीडियावर मात्र या दोघांच्या लग्नाच्या चर्चांना उधाण आले आहे. सिद्धार्थ आणि कियारा येत्या ६ फेब्रुवारीला लग्नगाठ बांधणार आहेत. मोजके काही दिवस बाकी असताना लग्नसोहळ्याचे ठिकाण आणि आणखी माहिती समोर आली आहे.
सिद्धार्थ आणि कियारा यांचा जैसलमेर मधील सूर्यगढ पॅलेसमध्ये विवाह संपन्न होणार आहे.
त्यांच्या या लग्नसोहळ्यासाठी फक्त १०० ते १२५ पाहुण्यांनाच आमंत्रित करण्यात आले आहे. या पाहुण्यांमध्ये बॉलिवूडमधील काही लोकप्रिय कलाकारांचाही समवेश आहे. अमिताभ बच्चन, शाहरुख खान, करण जौहर व वरुण धवन हे देखील यांच्या लग्नासाठी उपस्थित राहणार आहेत.
View this post on Instagram
सिद्धार्थ – कियाराच्या लग्नासाठी सूर्यगढ पॅलेसवरील लक्झरी व्हिला बुक करण्यात आला असून या व्हिलामध्ये जवळपास ८४ खोल्यांचं बुकिंग करण्यात आलं आहे. तर पाहुण्यांसाठी ७० गाड्याही बुक करण्यात आल्या आहेत. सूर्यगढ पॅलेसवरील एका दिवसाचं भाडं एक ते दोन कोटींच्या घरात आहे.
त्यांच्या लग्नाचे बाकी कार्यक्रम जसे की मेहंदी, हळद आणि संगीत हे ४ आणि ५ फेब्रुवारी रोजी पार पडणार आहे. आता त्यांच्यासोबत त्यांच्या चाहत्यांना देखील लग्नाची उत्सुकता लागली आहे.