मराठी मालिकाविश्वात वेगवेगळ्या धाटणीच्या मालिका सध्या प्रेक्षकांचे मनोरंजन करत आहेत. तसेच निरनिराळ्या विषयांवर भाष्य करणाऱ्या मालिका रसिक प्रेक्षकांना पाहायला मिळतात. अशाच एका वेगळ्या आणि घरगुती विषयावर आधारित असलेली एक मालिका म्हणजे ‘ठरलं तर मग.’
स्टार प्रवाह वाहिनीवरील ठरलं तर मग ही मालिका मराठी रसिक प्रेक्षकांमध्ये प्रचंड लोकप्रिय झाली आहे. अगदी साध्या विषयाला धरून सुरु झालेली ही मालिका आज प्रेक्षकांच्या दैनंदिन जीवनातील मनोरंजनाचा महत्त्वाचा भाग बनली आहे. या मालिकेत पुढचं पाऊल या गाजलेल्या मालिकेतील सून म्हणजे लोकप्रिय अभिनेत्री ‘जुई गडकरी’ प्रमुख भूमिका सकारात आहे. जुईसोबत देखणा अभिनेता ‘अमित भानुशाली’ देखील मुख्य भूमिका साकारत आहे. या मालिकेत जुई ‘सायली’ हे पात्र साकारत असून = अमित ‘अर्जुन’ हे पात्र प्रेक्षकांसमोर घेऊन येत आहे.
ठरलं तर मग या मालिकेत जुई म्हणजेच सायली पत्नी, सून अशा नात्यात बांधली असून, जुईची सून म्हणून साकारात असलेली भूमिका पुन्हा एकदा रसिक प्रेक्षकांनी डोक्यावर घेतली आहे. याच प्रेमातून जुईसोबतच या मालिकेला प्रेक्षक भरघोस प्रतिसाद देताना दिसत आहेत. प्रेक्षकांचा हा उदंड प्रतिसाद एका मागोमाग येणाऱ्या टीआरपीच्या यादीतून खूपच स्पष्टपणे दिसून येत आहे. मागील ऑक्टोबर महिन्यातही टीआरपीच्या यादीत या मालिकेने उच्चांक गाठला होता. तसेच त्यापूर्वी देखील या मालिकेने टीआरपीच्या यादीत अव्वल स्थान पटकावले होते.
मालिकाविश्वातील अनेक मालिका या टीआरपीच्या यादीत झळकत असतात. त्यामुळे या यादीत मालिकेच्या क्रमांकांमध्ये चढ-उतार आपसूक दिसून येतोच. परंतू मागील काही दिवसांपासून या यादीतील पहिले स्थान मिळवण्यात प्रचंड चढाओढ असली तरी ठरलं तर मग ही मालिका या यादीत पहिल्या स्थानावर प्रेक्षकांच्या प्रेमाचा झेंडा रोवून बसली आहे. म्हणजेच नोव्हेंबर महिन्याच्या पहिल्या आठवड्यातही या मालिकेत पहिले स्थान पटकावले. तसेच सध्या सुरु असलेल्या दिवाळीच्या धामधुमीतही या मालिकेने प्रेक्षकांचे मन जिंकून घेतले आहे. कारण सण-समारंभाच्या वातावरणातही प्रेक्षक तितक्याच आवडीने आणि ओढीने ही मालिका पाहत आहेत.
View this post on Instagram
प्रेक्षकांच्या या अपार प्रेमामुळेच या मालिकेने नोव्हेंबर महिन्याच्या दुसऱ्या आठवड्यातही पुन्हा एकदा जुईच्या या मालिकेने बाजी मारली आहे. यावेळी मालिकेला ६.९ इतके रेटिंग मिळाले आहे. टीआरपीच्या यादीतील दुसरी मालिका म्हणजे ‘तुझेच मी गीत गात आहे’ या मालिकेला ६.५ इतके रेटिंग आहे. अभिनेत्री तेजश्री प्रधानची नुकतीच प्रदर्शित झालेली ‘प्रेमाची गोष्ट’ या मालिकेने ६.४ रेटिंग मिळवत टीआरपीच्या यादीत तिसरे स्थान पटकावले आहे.
त्यामुळे सध्या ठरलं तर मग या मालिकेतील सर्व कलाकारांवर शुभेच्छांचा वर्षाव होत आहे.
